Презентация - "Презентация на тему : " Стихотворение Расула Гамзатова "Вера Васильевна.""

Расул Хlамзатов
«Вера Васильевна»

Дарсил мурадал:
Дандекквеялъул хlакъалъулъ авалияб баян кьей ва гьелъул кlвар рагьи

Гlадатаб анализалдалъун гьудуллъи-вацлъи нилъер къуват букlин баян гьаби. Россиялъ бакараб канлъул чирахълъун магlарухъ гlурус учительница йикlин

Логикиял суалазул кумекалдалъун лъималазул гlакълу цебетlезаби

Расул Хlамзатов гьавуна 8 сентябралда 1923 соналъ Хунзахъ районалъул Цlада росулъ. Гьев гьавуна Цlадаса Хlамзатилги Хъандулалъулги хъизамалда. Гьев ккола Хlамзатил лъабабилев вас. Расулил кlиявго кlудияв вац рагъдаса вуссунаро.

Тlоцебесеб кучlдузул тlехь «Бухlараб рокьиги кьварараб ццинги»гьесул бахъана 1943 соналъ. Къого сон бараб мехалъ Дагъистаналъул хъвадарухъабазул союзалъул членлъун хlалтlана.
Росун жиндирго кучlдулгун, Расул ана Максим Горькиясул цlаралда бугеб Литературияб институталде цlализе.
1950 соналъ Расулица лъугlизабуна литературияб институт.

Расулил чlужу Патlимат. Гьей хвана 2000 соналъ. Гьесул руго лъабго яс: Зарема, Патlимат , Салихlат. Гьабсагlаталъ Салихlат хlалтlулей йиго эбелалъул цlаралда бугеб музеялда.

Гlурус мацlалда гурелги Расулил асарал руссинарун руго батlи-батlиял хlукуматазул мацlаздеги. Гьединго Расулил кучlдул ахlула сценаялда кочlохъабазги.

2003 соналъ дунялда бищунго машгьурав магlарулазул цевехъан Расул Хlамзатов нилъедаса ватlалъана. Жив хваниги, Расулица нахъе тана абадиялъго кlочонарел асарал. Хваниги гьев нилъер рекlелъ чlаго вуго .

«Метер магlарул мацl 
хвезе батани,
Хваги дун жакъаго,
жаниб ракl кьвагьун!»

Расул Хlамзатов

Рагlабазул баян:
Гlазизаб- гьайбатаб, хирияб;
Нуха –нух;
Кулакал – жанисел тушбаби, бечедал чагlи;
Бугьтанал – мацl гьаби, гьечlеб мунагь тlадлъей;
Панаяб – бухlараб;
Коммунарал –политрукал;
Рейхстагалъул къед –Берлиналда фашисталзул хlукумат жаниб букlараб минаялъул къед.

Битlун цlализе:
Мех
Цlаларай
Хирияй
Мацlаз
Росулъе
Сардилъ
Рахъалъан
Лъималаца
Нижер

Эпитетал рате:
Вера Васильевна, гlазизай гьалмагъ,
Тlоцебе гlурус дарс дие цlаларай.
Къого хасел ана нижер росулъе
Москваялдаса мун ячlаралдаса.
* * *
Хирияй, бищунго бахlарал сонал
Бецlаб мугlрул росулъ тlамуна дуца.
Бецlал руччабазул гьерсилал мацlаз
Гьабихъги корохъги какулаан мун;

Художествияб асаралда жаниб гвангъараб сипат- сурат цебечlезабизе релъен-хъваялъул кьучlалда гlуцlараб каламалъул сверелалда дандекквеян абула.
Дандекквей бате:
Ракl урхъараб Москва, Арбаталъул къватl,
Тlугьдузул тукада дандбитlараб рукъ;
Тlинчlги ун хутlараб хlинчlалда релълъун,
Мун рокъой ахlулей хlасратай эбел;

Махlачхъалаялда гlурус учительницаялъе бараб памятник

Дур гьалмагъ щиван бице, мунго щив чиян бицина.
* * *
Цlорораб бугониги бакъ лъикlаб,
хъачlав вугониги гьудул лъикlав.
* * *
Гъветl кьалбаз ккола,
гlадан гьудул-гьалмагълъиялъ ккола.
* * *
Гьудул нусгоги дагьав, тушман цоги гlемерав.
* * *
Гьудуласул гьудул - дирги гьудул.

1. Лъималазул бахlарчилъиялъ кlудияб балагьалдаса росу цlуниялъулги, лъималазул бихьинчилъиялъулги лъица хъвараб ва щиб асаралъулъ бицунеб бугеб?

а) Абутlалиб Гъафуров «Дир гlумру»
б) Мухlамад Сулиманов «Хlинкъараб сапар»
в) Мухlамад Шамхвалов «Зурмихъабазул нохъода»

2. Сулимановасул «Хlинкъараб сапар» абураб асаралъулъ Самицаги Набицаги гlахьал хьихьараб гьоялда цlар щиб?
а) Нахи
б) Нухи
в) Ниха

3. Сулимановасул «Хlинкъараб сапар» абураб асаралда Самиги Набиги лъица хвасар гьарурал?
а) Кlодоца
б) Къасумица
в) Алхасица

4. Сулимановасул «Хlинкъараб сапар» абураб асаралъулъ Самиги Набиги рахчун рукlараб нохъода цlар щиб?
а) Зурмихъабазул нохъо
б) Гlиял нохъо
в) Чlегlернохъо

5. Сулимановасул «Хlинкъараб сапар» абураб асаралъул кинаб жанр бугеб?
а) къиса
б) роман
в) хабар

Лъимал, нужее жакъасеб дарс бокьанищ?
Щиб пайда нужее жакъасеб дарсидаса щвараб?
Щиб росулъа кколев Расул Хlамзатов ва гьесул эмен щив кколев?
Лъеберабилел соназда магlарул росабалъе лъайкьеялъул иш цебетlезабизе кумекалъе Россиялдаса ячlарай гlурус ясалъул хlакъалъулъ Расулил кинаб асаралъулъ бицунеб бугеб?
 Магlарул руччабазул цlаралдасан поэтас Вера Васильевнаялда тlаса лъугьаян щай гьарулеб бугеб?
Расул Хlамзатовасул «Вера Васильевна» поэмаялъул идея щиб кколеб?

Дарсица гьабураб асар

Рокъобе хlалтlи:

Гьумер 129 – 133,
пасихlго цlализе
ва сурат бахъизе

Лъимал, нужее баркала!




Къо – мех лъикl!